Honako bertsoa landu du Eneko Beretxinaga bertsolariak bizikleta martxari eta pentsioen aldeko mugimenduari eskaintzeko. Plaza Berrian eskaini diete.
Astelehenean hasi zena Oreretan
Soraluzera heldu da Bergaratik bueltan
animo eta txaloak denontzat benetan
hiru urte luzeko etapa honetan
Ibilbidea ez da beti atsegina
Batean aldapaka, bestean sprinta
zuek erreleboka, ikusiz jakina
Urkullu ta Sanchezek
ipurdiko mina
Berdin bizikletan joan kontzentran elkartu
gurpilak behar badu, aurrera jiratu
azkar edo poliki ez behintzat frenatu
Eta helmugan baietz besoak altxatu