Mozorro lehiaketara aurkezteko bi baldintza bete beharko dira: bihar, zapatua, kontzejupean ipiniko duten photocall-ean argazkia atera (13:00etatik aurrera) eta honako whatsapp zenbakira bidaltzea: 699 86 87 29, eta taldeka mozorrotzea.
Sariak bikoiztuta
Oinarriak betetzen dituzten parte-hartzaileen kasuan, berriz, epaimahaiak sei puntu baloratuko ditu: erakutsitako umorea; sortzen duten giroa; originaltasuna; janzkera; eszenografia eta mozorroak gaiarekin duen lotura.
Epaimahaiari berari dagokionez, Aratuste batzordeak izendatutako hainbat lagunek osatuko dute, eta haren puntuazioak %60ko pisua izango du puntuazio orokorrean.
Gainontzeko puntuazioa herritarrek erabakiko dute zeini eman atari honen bitartez, Plaentxia.eus-en egingo den bozketaren bitartez (otsailaren 23an 13:00etan hasi, eta otsailaren 24an 13:00ak arte).
Hiru sari izango dira: 300 euro lehenengoarendako; 200 euro bigarrenarendako eta 100 euro hirugarrenarendako. Iazko hiru irabazleak honakoak izan ziren, hurrenez hurren: Soraluzix, Tintin eta Paulicia.
