104 lagunek eman du gaur, astelehena, botoa

Frantziska Iraolagoitia botoa ematen; bera izan da lehen herritarra.

Indartsu hasi da autobus geltoki nagusiari buruzko herri-galdeketa; lehen eguna izan duen honetan, 104 lagunek eman du botoa. Eguerdi inguruan joan da boto-emaile gehien, pentsioen aldeko elkarretaratzea hasi baino lehen edo bukatu ondoren. Bihar, martitzena, segituko du galdeketak, 10:00etan hasita.

Gaur, astelehena, 10:00etan, bozketa hasi eta ordurako ja pare bat herritar zain zeuden autobus geltokiaren gaineko herri-galdeketan botoa emateko. Frantziska Iraolagoitia izan da, hain justu, hautetsontzia estreinatzen lehen soraluzetarra. Ondorengo bost minutuan beste horrenbeste lagun pasa da idazkaritzatik botoa ematera. Bost minutuan, bada, bost boto izan dira.

Adinduak, batez ere

Baina, bereziki eguerdi partean joan da herritar kopururik handiena herri-galdeketan parte hartzera, pentsioen elkarretaratzearen bueltan, hain justu. 13:00etan, hautetsontzia itxi dutenerako, dagoeneko 104 lagunek emanda zuten botoa. Gehienak izan dira edadetu jendea eta emakumezkoak.

Bihar, martitzena, atzera ere 10:00etan zabalduko dute botoa emateko aukera, 13:00ak arte, udal Idazkaritzan.

Erlazionatuak

3.298 soraluzetarrek dute eskubidea herri-galdeketan botoa emateko

Soraluze

Gaur, astelehena, hasiko da autobus geltoki nagusiaren gaineko herri-galdeketa. Soraluzen erroldatuta dauden 16 urtetik gorako bizilagun guztiek du...