Soraluzeko pilotariek hitzordu hirukoitza dute gaur, barikua

Soraluzeko pilotariek hitzordu hirukoitza dute gaur, barikua
Manex Balerdi eta Aitor Atxotegi joan den asteburuko partidua irabazi ondoren.

Gipuzkoako Pilota Txapelketaren baitan, gaur, barikua, hiru hitzordu dituzte Soraluzeko ordezkariek. Batetik, 19:00etan hasita, bi pala partidu jokatuko dituzte Arane kiroldegiko pilotalekuan. Bestetik, eskuz binakako txapelketan, Tolosan jokatuko dute partidua etxekoek, hango bikotearen kontra. 

Soraluzeko partiduei dagokienez, gomazko paletan 19:00etan, Gallastegik eta Etxeberriak Elgoibarko bikotearen aurka neurtuko dituzte indarrak. Eta ondoren Oñatek eta Rasconek Zumaiako bikotea izango dute aurrez aurre. Hain zuzen ere, gomazko paletako txapelketan, bigarren eta hirugarren mailako partiduak dira, hurrenez hurren.

Eskuz binakakoa

Bestalde, Gipuzkoako  Eskuz Binakako Txapelketan ere, gaur dute hitzordua Soraluzeko ordezkariek, 19:00etan Tolosan. Hango bikotearen kontra jokatuko dute, hain justu, Atxotegik eta Balerdik txapelketako laugarren partidua. 

Erlazionatuak

22-10 irabazi dute Atxotegik eta Balerdik

Soraluze

Aurkarien kaleak aprobetxatuta, indartsu jokoan, 22 eta 10 gailendu dira gaur goizean, zapatua, Aitor Atxotegi eta Manex Balerdi pilotari soraluzet...