Legazpiko Banda Txikia Doinua musika eskolako 10-13 urte bitarteko 40 bat ikaslek osatzen dute eta Leire Narvaiza eibartarrak zuzentzen du. Duela aste gutxi, Disneyland Parisen izan dira jotzen eta, hain zuzen, Disneyko pelikuletako hainbat pieza joko dituzte barikuko emanaldian.
Kontzertuan Soraluzeko Musika Eskolako musika hizkuntza eta musika kantuzeko ikasleek ere parte hartuko dute, gorputz perkusioa baliatuz. Azkenengo bi piezak, Havana eta Happy, joko dituzte elkarrekin.
