"Aupa Maurizia!", "Badatoz txistularixak", "Bakarrik, lo ez!", "Kontuz, Eibartarrak!"... eta umorezko beste hainbat lelorekin argitaratu zituen txapak Pil-pileanek duela zenbait urte, Gaztañerre Azokan.
Aurten, umore-txapa berriak egiteko asmoz, Pil-pileanek ideia bilketa irekia antolatu du herritarrei zuzenduta. Ideiak azaroaren 4a baino lehen bidali beharko dira formularioa beteta, nahi izanez gero, izen-abizenak ipinita edo modu anonimoan, bestela.
Izena ematen duten partehartzaileen artean, Pil-pileanek Errigoraren saski bat zozkatuko du Gaztañerre Azoka eguneko babajanean.