Azaroaren 9an egingo da aurtengo Gaztañerre azoka eta ohikoa den moduan, Pil-pilean Euskaltzaleen Elkarteak antolatuta, arratsaldeko 15:00etan, babajana egingo da Plaza Zaharreko karpan. Barikuan, goizeko 8:00etan, jarriko dira salgai bazkaritarako txartelak, guztira, 135, Iratxo gozodendan. Txartela eskuratzeko, izena emateko momentuan ordaindu beharko da dirua, eskura.
Bazkaritarako menua urterokoa izango da: baba gorriak, aza eta sakramentuekin, postrea, kafea eta kopa. Txartelak, hiru motatakoak izango dira: arruntak, 20 euro; Pil-pileaneko bazkide, gazte (-18) eta begetarianoendakoak, 16 euro; eta, azkenik, umeendakoak (-12 urte), 12 euro.
Aurten, nobedade moduan, bazkariaren ostean, Iago Magoak magia ikuskizuna eskainiko du bazkaltiarren gozamenerako.