Euskal Herriko bazter ezberdinetako herri inauteri edo aratosteak eta bertako pertsonaiak ezagutzeko erakusketa, Lantz Ituren, Altsasu... Astelehenetik ostiralera: 16:30-19:30 Larunbatak: 12:00-13:30
Aurten, San Blas opilak bedeinkatzeko elizkizunean, bezperako Kandelaria Eguneko kandelak ere bedeinkatuko dituzte. Zapatuan egingo dituzte bi bedeinkapenak, 11:30ean hasiko den ekitaldian. 19 urtez Soraluzeko parroko izan den Luis Gomezek gidatuko du bedeinkapena.
Asteburuan, Santa Ageda bezperarekin lotutako tradiziozko ekitaldiak egingo dira Soraluzen. Batetik, zapatuan, baserriz baserri ibiliko dira eskean, aurten Jexux Mari Irazu, Josune Aramendi eta Eneko Beretxinaga bertsolariek eta Unai Larreategi soinujoleak lagunduta. Domekan, berriz, Ezoziko Ama Abesbatza eta txistulariek egingo dute kalejira, herrian.
Ezoziko Ama Abesbatzak eta Soraluzeko txistulariek Santa Ageda bezperako kalejira egingo dute, 30 bat lagunek.