Asteartea, azaroak 13

18:30

Ahobizi tailerra (Euskaraldia)

Euskaraldian parte hartzen duten ahobiziendako tailerra, hamaika egunetan eroso jardun ahal izateko.  Tailerretan parte hartzeko, aurrez izena eman behar da: soraluze@euskaraldia.eus helbidera idatzita, 688 613 698 telefonora deituta edo zuzenean Euskaraldiko lokalera joanda. Zaintza zerbitzua ere eskainiko dute, parte hartzeileek hala eskatuz gero. 

18:30

Tailerra: "Drogen kontsumoaren gozamen eta arriskuen kudeaketa"

Irailean migrazioaren gaia landu ondoren, drogak izango ditu langai azaroan Hautsak Harrotzen taldeak. “Gaiak hari mutur asko dituen arren, drogen erabilera ikuspegi orokor batetik lantzeko asmoa daukagu”, jakinarazi dute antolatzaileek. Hori abiapuntu, hiru hitzordu egin dituzte azarorako: tailer bat, pelikula emanaldi bat eta liburu aurkezpen bat.

18:30

Elkarbizitza: dokumentala eta solasaldia

Azaroaren 13an, elkarbizitza langai izango da Soraluzen. 2007 eta 2012 urteen artean landutako Glencree ekimena oinarri, Glencree, (bake prozesua), elkarrekin egindako bidea dokumentala proiektatuko dute. Ondoren, solasaldia izango da ekimen horretako kide diren Patxi Elolarekin, PSE-EEko Zarauzko zinegotziarekin, eta Burgosko prozesuaren aurkako manifestazio batean hildako Roberto Perezen anaia Jorge Perezekin.

19:00

13:00

Erakusketa: "Pintura eskolako ikasleak"

Krabelin Pintura Eskolako ikaslee margolanekin osatutako erakusketa, azaroaren 17a arte. Astegunak, 19:00-20:30; Larunbatak, 12:00-13:30.