Oraingo honetan, Madrilera begira jarri dira pentsiodunen mugimenduak, urriaren 25ean bertan egingo den Estatu mailako manifestazioaren harira, Euskal Herriko Pentsiodunen Mugimenduak ere babestuko baitu mobilizazioa. Bertan, “pentsio duinak eta bizitzeko bestekoak” aldarrikatuko dituzte, honako eskaera zehatzak eginez.
- Lanbide arteko gutxieneko soldataren adinako gutxieneko pentsioa (eta hori batez besteko soldataren % 60 izatea).
- Genero-arrakala eskandalagarria behingoz amaitzea.
- Gizarte Segurantzaren kontuen auditoretza, 21/2021 Legea betez.
- Pentsioen balioa KPI errealaren arabera handitzea eta galdutako eros ahalmena berreskuratzea.
- Pribatizazioari ez, ez enpleguko pentsio-planei.
- Penalizaziorik gabeko erretiro aurreratuak, 40 urteko kotizazioarekin.
- Euro bakar bat ere ez armamenturako, ezta gerrarako ere. Gastu militarrak helburu sozialetarako.