Gaur goizean, eguena, dozenaka irakasle, ikasle eta guraso elkartu dira Plaza Barrixan Palestinako herria jasaten ari den genozidioa salatzeko. Institutuko irakasle talde batek deitu du protesta eta “pozik” dira lortutako erantzunarekin. Esan dutenez, asmoa da eguenero egitea Palestinaren aldeko elkarretaratzea Plaza Barrixan.
“Nahiko pozik gaude erantzunarekin, ikastetxetik gurasoei mezua bidali genien gonbidapenarekin baina ez genekien jendea etorriko zen; orduarekin zalantza genuen, jendea lanean dagoelako, baina guraso batzuk eta ikasle batzuk gerturatu dira eta irakasleengandik ere erantzun polita izan da”.
Protesta deitu duen irakasle taldeak esandakoaren arabera, asmoa dute aurrerantzean eguenero elkartzeko Palestinaren alde Plaza Barrixan, 11:05etik 11:20ra bitartean.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.