Arrakastaz estreinatu du 2025-2026 ikasturtea Udal Liburutegiak. Atzo zuen ikasturteko lehen hitzordua, Azalerako ipuinak saioa. Eta eskainitako leku guztiak bete egin ziren. 25 lagun inguru egon zirela kontatu du ekimenaren antolatzaile Uxue Agirre liburuzainak.
Guztiak eseri ziren borobilean, 0-3 urteko umeak eta haien senideak. Saroa Bikandik goxo gidatuta, denetik partekatu zuten, “ipuinak, kantuak, esku-jolasak, masajeak…” kontatu du liburuzainak. Uxue Agirrek gaineratu duenez, “oso polita izan zen eta familiak ere gustura egon ziren”.
'Munduko Ipuinen Eguna'
Udal liburutegiak irailerako prestatu dituen ekitaldien artean, hurrengo hitzordua zapatu honetan da. Pil-pilean Euskaltzaleen Elkartearekin eta Soraluzeko Udalaren Kultura Batzordearekin batera, Munduko Ipuinen Egunaren bigarren edizioa antolatu dute.
Egitaraua eta xehetasuna guztiak HEMEN KLIKATUTA.