Atzo, irailak 8, 24 urte bete ziren Asier Heriz eta Iñaki Saez Avilarako espetxera bisita egitera zihoazela auto istripuz hil zirela. Bi gazteak oroitu eta haiek hil zituen dispertsio politikoa salatzeko, elkarretaratzea egin zuten 70 herritar inguruk Plaza Berrian. Asierren eta Iñakiren erretratuak eta honako esaldia zuen pankartaren bueltan elkartu ziren: Elkartasunaren bidean, dispertsioak erailak, Maite zaituztegu!
Domekan, berriz, oroimen ekitaldia egingo dute Karakaten bi gazteen oroimenezko monolitoaren eta pagoaren aurrean. Asier eta Iñaki oroitzeaz bat, “euskal preso, iheslari eta deportatuak etxera” ditzaten aldarrikatuko dute, “dagozkion eskubideen jabe”.