Podcastak ordu eta erdi inguru irauten du eta lau atal ditu, hiru gaztelaniaz eta bat euskaraz. Lehen atalean edo sarreran, Isabel Mellenek ahotsa jarri dio HweiRu Ni ikertzaile txinatarrak idatzitako kazetaritza artikuluari, non kontatzen duen nola sartu zen harremanetan Begoña Ariznabarretarekin Asturiasko frontean bere aitarekin borrokatu zen boluntario txinatarraren istorioa berreraikitzeko. Bigarren atalean, Begoñak bere ikerketa lan nagusien berri eman du, batetik, Chang Aking brigadista txinatarraren ingurukoak kontatuz eta bestetik, eta, batez ere, aitak gerran eta gerra osteko urteetan bizitakoaren berri emanez. Hirugarren atalean, euskaraz, Chang Aking brigadistaren ibilbidearen gainean jardun du, xehetasun gehiagorekin. Azkenik, Jesus Zubiaga Sancho el Sabio Fundazioko zuzendariak azaldu du nola garatu den ikerketa hau fundazioaren laguntzarekin eta nolakoa izan zen berriki Hwei-Ru Ni eta Len Tsou ikertzaile txinatarrek fundazioaren egoitzara egin zuten bisita.