Astelehenean, frontoia euskararen plaza bilakatu zen, bertan elkartu baitziren euskaraz ikasten diharduten herritarrak eta badakitenak, Euskaraldiaren barruan antolatutako Mintzodromoan. Bertan parte hartu zuten Berbalagunek (edo Berbalagun izandakoek), helduek zein nerabeek, Euskaltegiko ikasleek, Harrera linguistikoko kideek eta Institutuko euskara errefortzuko ikasleek.
Mintzodromoan ordubete inguruz jardun zuten eta askotariko gaiak izan zituzten berbetagai. Euskarazko hiztegia lantzeko dinamika ludikoak egin zituzten mahai batzuetan eta, gaiak emanda, elkarrizketan jardun zuten gainontzeko mahaietan.
Euskaraldiko dinamizatzaile Arianne Unamunok azaldu duenez, Euskaraldiaren garaia baliatuz, "hizkuntzaren bueltan diharduten herritarrak batu, elkar ezagutu eta elkarri euskara ematea" izan da ekimenaren helburua.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.