Aurreko astean ere jokatu zuten Debarroko Pilota Txapelketako partida Soraluzeko Pilota Elkarteko pilotari Atxotegik eta Balerdik. Kasu horretan, Eibarko bikotea izan zuten aurkari eta 22-7 irabazi zuten etxekoek Aranen jokatu zuten partida. Gainera, nabarmena izan zen bi bikoteen arteko aldea Soraluzeko ordezkarien mesedetan.
Hura ere irabazita, orain arte jokatutako partida guztiak irabazi egin dituzte Soraluze Pilota Elkarteko ordezkariek eta gaur, martitzena, dute ligaxkako azken eskuz binakakoa, Oñatitik etorriko diren Aloña Mendi taldeko Madinabeitia eta Biain pilotarien kontra.
Gaurkoa ere irabazten badute, Soraluzeko ordezkariak zuzenean sailkatuko dira ekainaren 15ean Eibarko Astelena pilotalekuan jokatuko diren finaletara -11:00etan-. Dena den, oraindik ez dira finalistak erabaki. Besteak beste, Bergarak eta Eibarrek elkarren kontra jokatu beharko dute eta orduantxe erabakiko da finalerdiak non jokatuko diren eta zein bikote sailkatuko den finalera.