Zapatuan, bi norgehiagoka jokatu zituzten Marras Irristaketa Taldeko alebinek, biak ala biak bizkaitarren kontra. Lehenengoa, Metropolitano taldearen kontrako partida, irabazi egin zuten, 7 gol eginda, gainera. Bigarrena, Hot Shots Etxano taldearen kontrakoa, berriz, berdindu egin zuten.
Emaitzekin pozik egoteaz aparte, zapatuan taldeak erakutsitako jokoarekin ere pozik dira Marras Irristaketa Taldekoak. Beraz, egun biribila izan zuten herenegungoa.
Zozketako zenbaki irabazlea
Bide batez, jakinarazi dute errifen zenbaki irabazlea izan zela 2.698 zenbakia eta haren ordezkoa izan zela 2.632. Sariduna Marrasekoekin harremanetan jarri behar da. Ohartarazi dute lau egun baino lehen jakinarazi behar dela.