Txapak jasotzeko modua
Hasierako ekitaldia: txapa jaztea eta txupina
Arau sozial berriak
Hiztunen artean hizkuntza ohiturak aldatzeko ariketa erraldoi moduan abiatu zen Euskaraldia 2018an eta laugarren edizioan ere helburu bera izaten jarraitzen du: parte-hartze masiboaren bitartez, euskal hiztunen artean ohitura edo arau sozial berriak ezartzea, euskaraz egitea errazagoa izan dadin.
Nagusiki, hiru ohitura edo arau dira Euskaraldiak herritarren artean indartu nahi dituenak: (1) Euskaldunak euskaldunari euskaraz egitea; (2) Edonori, edonoiz eta edonon lehen hitza euskaraz zuzentzea beti; eta (3) Ulertzen duenarekin euskaraz jarraitzea, berak erdaraz egin arren (elkarrizketa elebidunak). Hain zuzen, edizio honetako leloak mugitzea proposatzen die herritarrei ohitura berri horiek ezartzeko: Elkar mugituz lortuko dugu!
Arianne Unamuno dinamizatzaileak gogorarazi duenez, “Soraluzeko biztanleen %58ak “euskaldun” eta %17ak “ia-euskaldun” moduan izendatzen du bere burua, guztira, %75ak euskaraz ulertzen du eta, ondorioz, gakoa da euskararen erabilera errazten duten arau edo ohiturak ezartzea, erabilerak gora egin dezan. Gainera, Iñaki Iurrebaso soziolinguistak azaldu duenez euskaldunek matematikoki probablea dena baino gehiago egiten dute euskaraz eta ondorioz, uste zabalduaren kontra, euskal hiztunok leialak gara gure hizkuntzarekiko. Dena den, etorkizunean euskaraz biziko bagara, euskaldunok ohiturak aldatzeko bidean sakontzen jarraitu beharra daukagu, erabilerarako baldintza egokiak sortzen. Horretarako da Euskaraldia”.
Hurrengo egunetako egitaraua
Maiatzak 17, zapatua
Mural margotzea
Frontoian, 11:00 (bereziki familientzat)
Ondoren, txokolate-jana parte-hartzaileentzat
Izena eman: Gaztelekuan
Maiatzak 18, domeka
Euskaraldiko ihes gela
Plaza Barrixan, 18:00 (nerabeentzat)
(Euria bada, Gaztelekuan)
Izena eman: Gaztelekuan
Maiatzak 19, astelehena
MINTZODROMOA
Frontoian, 15:00
Izena eman: 601602347 / pilpilean@pilpilean.eus
Maiatzak 21 ,22 ,23
Kale kantoian jolasian
Frontoian (familientzat)
Izena eman: ludoteka, gaztelekua edo online
Maiatzak 23, barikua
Irakurketa irekia
"Santiago bidearen misterioa"
Liburutegian, 11:00
HIKAFARI-MERIENDA
Allegron, 19:00
Izena eman: 601602347 / pilpilean@pilpilean.eus
Maiatzak 24, zapatua
Eskola kiroleko azken eguna
Ginkana ume eta gurasoentzat
Frontoian, 11:00
Izena eman: 601602347 / pilpilean@pilpilean.eus
Kutxa margoketa
Nerabeentzat
Herrigunean zehar, 11:00
Maiatzak 25, domeka
"Pausa" zirko ikuskizun musikatua
(Kale margoketa lehiaketarekin batera)
Plaza Zaharrean, 12:45