Zapatuan, emozioz betetako Liga amaiera horietako bat izango da. Gorengo mailari eusteko lehian ari diren sailkapeneko 8. postutik 15. postura bitarteko taldeek puntu eskasen aldea dute elkarren artean. Beraz, maila ziurtatzeko norberak bere partida irabaztea garrantzitsua izango bada ere, berdindu edo galtzen den kasuetan, ingurukoek zer egiten duten erabakigarria izango da. Ikus sailkapena:
Denboraldi amaiera bikaina
Soraren kasuan, puntu bakar bat gehiago duen Eibartarrak taldearen kontra jokatzea tokatzen zaio azken jardunaldian. Beraz, biendako hil ala biziko partida izango da zapatukoa.
Hori bai, Sorak bere alde izango du egiten ari den denboraldi amaiera bikaina. Azkena joatetik, partida bat berdindu eta gainontzeko guztiak irabazi egin ditu. Horri esker, orain 12. da sailkapen orokorrean.
Autobusa zaleendako
Baina ez dauka maila ziurtatuta, horrexegatik, nahi dute zaleen hauspoa ere izan. Eta autobusa antolatu dute zapatuan Unbera joan daitezen. 16:15ean da irteera zubitik eta 20:00etan itzulera. Doan da eta ez dago izena eman beharrik.