Eguenetik, maiatzaren 15etik hasita, hockeya praktikatzeko aukera eskainiko du Marras Irristaketa Taldeak eguenero, ekaina bukatu arte. Datorren ikasturtean Marrasen parte hartzeko aukera zabalduko dute eta izena eman aurretik, kirol mota hori bertatik bertara probatzeko aukera zabaldu nahi diete 2016-2017an jaiotakoei. Ekimena zabalik dago irristatzen dakitenentzat zein ez dakitenentzat eta ez da zertan materialik izan behar.
Etzi, eguena, egingo du Marras Irristaketa Taldeak ate irekien lehen saioa. Hockeya probatu nahi izanez gero, 18:15ean kiroldegiko frontoira bertaratzea besterik ez dago. Patinak, kaskoa eta babesa eramatea komeni da, baina materialik izan ezean ere bertara daiteke.
Eguenetik aurrera, astero egingo dituzte hockey saioak, egun, ordu eta leku berean, baina Marrasetik azpimarratu dute ez dagoela denetan parte hartu beharrik, baizik eta nahi den saioetan bakarrik.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.