Euskaraldia Hikan parte hartu nahi duenak izena ematerako momentuan adierazi beharko du bere nahia eta ostean, bere Belarriprest edo Ahobizi txapa jasotzearekin batera H pegatina jasoko du txapari itsasteko. Batzordetik zehaztu dutenez, parte hartzeko ez dago hika jakin beharrik, nahikoa da entzuteko edo egiteko gogoa izatea.
Hika afari-meriendak
Soraluzeko Batzordeak, herri moduan izena emateaz gain, hitzordu bereziak antolatu ditu herriko hikazaleak batu eta hitanoa praktika dezaten: Hika afari-meriendak. Hala, bi afari-merienda egingo dituzte maiatzeko bi barikutan, 9an eta 23an, 19:00etatik 20:00etara (luzatzeko aukerarekin), Allegro elkartean. Bertan, ariketak eta jolasak eginez aukera eskainiko dute elkarrekin hitanoa ikasi eta praktikatzeko.
Parte hartu nahi duten herritarrek aurrez eman behar dute izena 601602347 telefonora deituta edo idatzita (Pil-pilean).