Real Sociedad taldeak lehen aldiz parte hartu du Frantziako Challenge International Carrier txapelketan, kanpoko talde modura, eta etxera ekarri dute garaipena. Apirilaren 20an, domeka, jokatu zuten finala TFC (Tolouse Football Club) taldearen kontra eta azkenean, penaltietan erabaki zen txapelketa.
Hiru partida penaltietaraino
Guztira, 8 partida jokatu dituzte gipuzkoarrek. Lehen fasean, hiru norgehiagoka irabazi eta bi berdindu egin dituzte, eta, berdinketa erdietsi zuten finalean moduan baita final-laurdenetan zein finalerdian ere. Azken hiru partida horiek penaltietan irabazita, domekan txapeldun izendatu zen Reala.
Realeko jokalarien artean, Zunbeltz Salaberria Silbeti ere izan da ekipoa osatzen. Kontatu duenez, “oso ondo” ibili da txapelketan, nahiz eta nekatuta bukatu, ez baitaude ohituta zelai naturalean jokatzen.
HEMEN klikatuta irakurgai txapelketari buruz La Dépéche komunikabideak idatzitakoa.