2019ko Argazki Rallyan ondoen baloratutako argazkiekin dago osatuta apirilean Itxaropena Erretiratuen Elkartean ipinitako erakusketa. Kontrargi Argazkilari Kolektiboaren eskutik dator eta hilaren amaierara arte izango da ikusgai.
Bestalde, gogoan izan oraindik zabalik dagoela Zumaiako flyscha ikustera joateko Itxaropenako zuzendaritzak antolatutako txangoan izena emateko epea.
Txangora joateko lehen autobusa segituan bete zela ikusita, bigarren autobus bat antolatu du zuzendaritzak. Bigarren hori elkarteko bazkideekin betetzen ez bada, bazkide ez direnek ere izango dute joateko aukera, 12 euroko gehigarria ordainduta.
