Atzo, domeka, 100 bat errugbi jokalari gazte elkartu ziren Ezoziko zelaian, Soraluzen egin baitzuten asteburuko errugbi jardunaldia. 09:15erako iritsi ziren lehen taldeak eta eguerdi-arratsaldeko lehen ordura arte gailendu zen errugbi-giroa. Antolatzaile SoraGazteak Rugby Klubari eramandako salda, pintxo, edari eta bestelakoak agortu egin zitzaizkien eta topaketari dagokionez egiten duten balorazioa da “oso-oso ona”.
Gasteiztik, Hernanitik, Donostiatik eta Debarrotik bertaratuta, atzo, domeka, Ezoziko zelaia bete zuten 100 bat errugbi jokalarik, 12 eta 10 urte azpikoak. Zelaia bitan zatitu eta launa partida jokatu zituzten elkarren kontra, lagun arteko giroan.
Eguraldi eta giro bikainak lagun, askori kosta egin zitzaien jardunaldia amaitzean etxerako bidea hartzea.
Ekimenaren antolatzaile SoraGazteak Rugby Klubak topaketaren balorazio "oso-oso ona" egin du.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.