Apirilaren 5ean, zapatua, hiriburuetara eramango dituzte Euskal Herriko Pentsiodunen Mugimenduaren aldarrikapen nagusiak. Manifestazioak egingo dituzte Bilbon, Donostian, Gasteizen eta Iruñean. Eta mobilizazio horiek euskal sindikatu gehiengoaren babesa eta partaidetza izango dute, ELA, LAB, ESK, Etxalde eta Hiru. Halaber, EAEn CCOO ere batuko da mobilizazioetara, ez ordea, Nafarroan.
Hain justu, Nafarroa ere izan zuten hizpide asteleheneko elkarretaratzean, kasu honetan, gutxieneko pentsioak osatzea eskatzen duen Herri Ekimen Legegilearen harira. Izan ere, Eusko Legebiltzarrean onartu dute ekimena tramitatzea, ez ordea Nafarroan, eta, egoera horren paradoxikotasuna mahai-gaineratu zuten.
Edozein moduan, “Euskal Herriko Pentsiodunen Mugimenduak modu positiboan baloratzen ditu EAEn eta Nafarroan lanbide arteko gutxieneko soldata duinaren alde ematen ari diren urratsak”.