Bota dute zubia

Gaur, eguaztena, bota dute Gabolatseko zubiaren falta zen zatia. Eraiste lanak bihar egin behar zituzten baina aurreikusitakoa baino bizkorrago egin dituzte gainerako lanak eta arratsaldean hasi eta bukatu dute eraisketa. Zubi zaharraren bi zutoinen zati bana laga dituzte bertan. Esplikatutakoaren arabera, zubi berria ipini ondoren botako dituzte haiek. Zubi berriari dagokionez, hiru zatitan ekarriko dute. Asmoa da Gabolatseko aldapako auto guztiak kendu, errepidea itxi eta bertatik ekartzea zubi-zatiak, eta gero, bertan egongo den garabi batekin ipintzen joatea.