Gaur, astelehena, zatika baina azkar batean eraitsi dute Gabolatseko zubiaren zatirik handiena. 330 tona dituen makina berezia ekarri dute horretarako, txakurra izeneko burua duena. Harekin, "haginka" egin eta zubi zatiak apurtzen eta birrintzen joan dira, zubiaren bi zati bota arte.
Bihar, ibaiko plataforman lagatako hondakinak eramango dituzte eta horren ondoren, ibaiko plataforma egokitzen hasiko dira, falta den zubiaren zatia botatzeko.
Esandakoaren arabera, Gabolats kale aldera luzatuko dute plataforma eta SAPAtik gertu dagoen plataforma zatia, berriz, kendu egingo dute, urari bidea libre lagatzeko. Hori egitean hasiko dira falta den zatia botatzen.