Atzo, Sorako Erregional mailako mutilek ondo hasi zuten Debako Amaikak Bat taldearen kontrako partida. Lehen zatian erasoan jardun zuten, gol aukerak sortuz eta debarrenak geratuz. Ahaleginak emaitza eman zuen eta 45+1 minutuan Antzon Zubiaurre Peñalbak 1-0 jarri zuen markagailua Amaikak Bati baloia lapurtu eta gola eginda.
Halaxe joan ziren atsedenaldira Sorako mutilak, aldeko markagailuarekin. Baina bigarren zatian egoera aldrebestu egin zen. 50. minutuan sartu zuten berdinketaren gola debarrek eta hortik hamar minutura bigarrena.
Hortik aurrera, partida bukatzeko falta zen denboran ,urduritasunak gailendu ziren eta lau txartel hori atera zizkieten Sorakoei. Batek, Iker Urkirik, hori bikoitza ikusi zuen, lehen zatian atera baitzioten beste hori bat. Ondorioz, 63. minutuan, jokalari bat gutxiagorekin geratu zen Sora eta hortik aurrera, sufritzea tokatu eta ezin izan zioten partidari buelta eman.