Bihar, otsailaren 8an (zapatua), etxean jokatuko dute 18. jardunaldia dute Sorako nagusiek. Azkoititik etorriko den Anaitasuna B taldearekin neurtuko dituzte indarrak, 16:30ean, Ezoziko futbol zelaian. Denboraldiko hirugarren jardunaldian jokatu zuten elkarren kontra aurrenekoz eta, etxez kanpo izan arren, 0-2 markagailuan irabazi zuen Sorak, Iker Urkiriren (56') eta azken minutuko Hodei Valdiviesoren (90'+3') golekin.
Dena den, denboraldia ez da ondo suertatu ez bata ez bestearentzat. Egun, bi taldeak Gorengo mailako 2. multzoko azken postuetan daude: Sora 16. postuan dago, 13 punturekin; eta Anaitasuna 15.ean dago, puntu eskasera, 14 punturekin. Hortaz, Sorak irabaziz gero, azken aurreko postura igoko litzateke eta, hurrengo jardunaldietan, lana ondo eginda eta zorte apur batekin, sailkapenean gora egiten jarraitzeko eta erdigunearen lasaitasunera bueltatzeko aukera izango du. Ahalegin honetan, zalegoaren bultzada ezinbestekoa izango dela gogoratu dute klubetik, eta beste behin gonbidatu dituzte Ezozira igo eta taldea animatzera.
| Pos. | Taldea | Puntuak | JP | IP | BP | GP |
|---|---|---|---|---|---|---|
| 1 | URKI CD | 40 | 17 | 13 | 1 | 3 |
| 2 | ORDIZIA KE | 39 | 17 | 12 | 3 | 2 |
| 3 | AMAIKAK BAT KE | 34 | 17 | 10 | 4 | 3 |
| ... | ... | ... | ... | ... | ... | ... |
| 14 | IKASBERRI KE | 14 | 17 | 3 | 5 | 9 |
| 15 | ANAITASUNA FT B | 14 | 17 | 4 | 2 | 11 |
| 16 | SORALUZE CF | 13 | 17 | 4 | 1 | 12 |
Gainontzeko taldeen partidak (aurkaria, tokia, ordua) Plaentxia.eus-eko Soraren blogean.