Atzoko elkarretaratzean emandako xehetasunen arabera, “dekretu berriak jasotzen duenez, besteak beste, pentsioen gehiengoa %2,8 igoko da. Pentsio minimoak eta kotizazio gabekoak %6 eta bizitzeko gutxieneko diru-sarrera %9”.
Dena den, legeari onespena eman behar dio Espainiako Kongresuak eta 30 egun baino gutxiago ditu hori egiteko.
Gutxieneko pentsioa eta beste
Dekretu berria onartuta ere, atzo azpimarratu zutenez, “Euskal Herriko Pentsiodunen Mugimenduak, Estatuko Herri eta Erkidegoetako plataformekin batera, honako aldarrikapenak egiten jarraituko du: galdutako eros-ahalmena berreskuratzea, gutxieneko pentsioa gutxieneko soldataren parekoa izatea, Gizarte Segurantzako auditoretza egitea, 40 urte baino gehiago kotizatu dutenak ez zigortzea eta genero arrakala ezabatzea”.