Astelehenean, bigarren egunez batu zituzten Herri Ekimen Legegilearen aldeko sinadurak. Eta bi egun horietan, Soraluzerendako ezarritako 250 sinaduren muga gainditu eta 275 herritarrenak jaso dituzte. Pentsiodunen mugimendutik esandakoaren arabera, eurek dituzten pleguetan 305 sinadura kabitzen dira, beraz, batzen segituko dute. Eta posible ikusten dute 305 horiek jaso ostean, gehiago ere jasotzea.
Sinadurak batzeko, mahaia jarriko dute astelehenetan, elkarretaratzea baino lehen, 11:30ean eta 13:00ak arte izango dira sinadurak batzen.
Euskal Herriko Pentsiodunen Mugimenduak Legebiltzarrean aurkeztu duen Herri Ekimen Legegilearen bidez, nahi du bermatu legez gutxieneko pentsioak 1.080 euroraino osatuko direla.