'Behin betiko' leloarekin, elkarretaratze jendetsua egin dute presoen etxeratzea aldarrikatzeko

Gaur, 2024ko azkeneko egunean, 75 bat herritar elkartu dira euskal presoen, iheslarien eta deportatuen etxeratzea eskatzeko, oraindik indarrean dauden salbuespeneko neurrien eta legeen amaiera eskatzeaz bat. Behin betiko etxera leloa zuten pankartak eskuetan, Plaza Berrian aldarrikatu dute bakea, konponbidea eta elkarbizitza. Ildo beretik, gogora ekarri dute urtarrilaren 11n Bilboko kaleetan dutela hurrengo hitzordua, “gatazkaren konponbideari aterabide integrala” eskatzeko. Soraluzetik autobusa izango da bertaratzeko eta izenak Bolian eman daitezke.