Pentsio publiko duinen aldeko 2024ko azkeneko elkarretaratzea egin eta datozen egunotan atsedena hartuko duten arren, Gabonen ostean bueltatuko dira borrokara pentsiodunen mugimenduak.
Dagoeneko iragarrita dituzte hurrengo ekimenak. Batetik, Legebiltzarrean aurkeztuta duten Herri Ekimen Legegilearen aldeko sinadurak batzen hasiko dira herriz herri. Urtarrilaren 13an hasi eta lau hilabetez arituko dira horretan.
Bestetik, Olerkipentsiotan izenburua duen poesia lehiaketa abiaraziko dute laster, euskaraz, gaztelaniaz zein frantsesez. Otsailaren 15era arteko epea eman dute poesiak bidaltzeko.