Errigorak 35 saski banatu ditu hogeita bost plazentziatarren artean, 'Euskarari puzka' kanpainaren bidez. Guztira, Soraluzetik 2.200 euro bideratu dira Errigora ekimenera eta kopuru horretatik, 550 euro (%25) Nafarroa hegoaldeko euskalgintzako ekimenak laguntzera bideratu da. Guztira, Euskal Herri osoan Errigorak 16.000 saski baino gehiago banatu ditu Euskal Herri osoan eta 230.000 euroko ekarpena egin dio Nafarroa hego eta erdialdeko euskalgintzari. Antolatzaileen esanetan, "saskien bidez inoiz lortu den kopururik handiena izan da".
Errigorak, zorionak eta eskerrak eman dizkie Nafarroa Hegoaldeko nekazarien produktuak eskatu dituzten milaka euskaltzaleei: " Euskal Herri osoko euskalzaleen elkartasunari esker saskien bidez inoiz bidalitako ekarpenik handiena jasoko du Agerreko euskalgintzak aurten! Lorpen honen arrazoi nagusia denon artean sortu dugun auzolana da. Beraz, egindako lana ospatzea dagokigu! BIBA GU!".
Horrekin batera gogorarazi du kalitatezko produktuak (kontserbak eta abar) eskuratzeko hurrengo aukera udaberrian izango dela.