Domeka eguerditik aurrera, erdiguneko kaleak dantzan jarri zituzten Blues Hotsak Jaialdiko musikari iaioek. Etxaburuetan kalea bete eta ikusleak asebete zituen Fake Cousins taldearen zuzeneko biziak. Santa Ana kalean, berriz, Wilsons Organ Triok adi-adi izan zituen ikusleak, inguru guztia beteta. Eta azkenik, The Blues Companyk lepo bete zuen Plaza Zaharreko karpa eta askok dantzan jardun zuten arratsaldera arte luzatu zen kontzertuan.