Erleak lekualdatu dituzte Institutuko leiho batetik

Gaur arratsaldean, suhiltzaileak eta erlazain bat izan dira Institutuan eta bertako leiho batean zeuden erleak lekualdatu dituzte. Erlazaina jasogailu baten laguntzaz hurreratu da leiho ertzera eta kea baliatuta, erleak erlauntz-kaxa batean sartu ditu eta horrela, arazorik gabe, libratu dute leihoa. Institutuko irakasleen arabera, ez da lehen aldia erleak leku horretan pilatu direna, iaz ere leku horretan bertan pilatu omen ziren.