Beherantz segitzen du langabeziak

Ubane Madera Zangitu 2024ko mai. 10a, 11:29
Deskargatu Info Ahotsak :
es en fr

Apirilean ere, behera egin du langabeziak Soraluzen. 2024a hasi zenetik ekindako beheranzko joerari eutsi dio, beraz, langabeziak. Oraingo honetan, %11,44ko tasa kontabilizatu dute, 200 langabe eta hori bai, segitzen du Debabarreneko bigarren langabezia-tasarik altuena izaten, Eibarkoaren atzetik. Debabarrenean, bakarrik Elgoibarren egin du gora langabeziak apirilean.

Apirilak datu onak laga ditu langabeziari dagokionean eskualdean. Elgoibarrren izan ezik, gainerako herri guztietan, martxoan baino langabezia-tasa txikiagoa kontabilizatu dute apirilean. Soraluzeko kasuan, gainera, behera egiten duen laugarren hilabetea da.

Hona hemen datuak herriz herri:

  • Deba                                   154        %5,84
  • Eibar                                1.567         %12,50
  • Elgoibar                              507        %9,50
  • Mendaro                               77         %7,79
  • Mutriku                                180        %6,85
  • Soraluze                              200        %11,44
  • Debabarrena                   2.685         %10,38
Ekonomia Soraluze