Borja Olaizola plazentziatarra eguen arratsaldean ailegatu zen Sevillara Elgoibarko lagun koadrilarekin eta "kriston anbientea" topatu dute bertan. "Ez du ematen Sevillan gaudenik, dana euskaldunak. Hori atzo (barikua)... gaur zer izango da hau...".
Igor Akarregi Plazentzian bizi den lekittarra, berriz, autokarabanan ailegatu zen atzo Sevillara eta adierazi duenez, han bizitzen dihardutena "zoramena" da: "Pentsa, tabernak garagardorik barik gelditu dira!" (Barreak).
Batak zein besteak ez dute lortu La Cartuja estadioan sartzeko sarrerarik, baina pozarren daude hiriburuan daudelako eta klub bilbotarrak bertan egokitu duen Atletic Hiria guneko pantailetatik jarraituko dute finaleko partidua.
Oharra: Finalaren inguruko ospakizunekin lotutako argazki eta bideoren bat Plaentxia.eus-era helarazi nahi izanez gero, bidali 605706086 telefonora.