Gaurko partidez gainera, bihar ere hitzorduak dituzte Soraluzeko pilotariek. Infantil mailako Oinatz Beretxinagak eta Peio Nogalesek Urretxun jokatuko dute eskualdeko txapelketako finalerdia bihar arratsaldean eta Eki Amuategi eta Mikel Caramanzana jubenilek, berriz, Udaberri txapelketako finalerdia jokatuko dute Astigarragan.
Gipuzkoako eta eskualdeko finalerdiak, gaur Aranen
Gaur, barikua, Debabarreneko eta Gipuzkoako finalerdiak jokatuko dituzte Soraluzeko Pilota Elkarteko pilotari gazteek, Araneko frontoian. 19:15ean hasita, eskualdeko finalerdia jokatuko dute Zunbeltz Salaberriak eta Izei Muguruzak Segurako bikotearen kontra eta segidan, Aitz Arluziagak eta Zuhaitz Larrañagak Gipuzkoako finalerdia jokatuko dute.