Bihar, otsailak 20, Goazen Soraluze! orientazio zerbitzuak antolatutako bigarren ibilaldi gidatua egingo dute. Oraingo honetan, Sagar Errekako ur-jauzia ikustera joango dira, 10:00etatik 11:30ak bitarteko ibilaldi lasaia eginez. Nahi duten guztiek parte har dezakete ekimenean, nahikoa da 10:00etarako Plaza Zaharrera azaltzea. Orain dela hamabost egun estreinatu zuten ibilaldi gidatuen ekimena; lehena Arzabalagara egin zuten. Asmoa da hamabostean behin egitea halako bat. Hurrengo hitzordua martxoaren 5ean izango da.