Amaitzear da Bankoa-Abanca DV Txapelketaren XXXII. edizioa eta Soraluzen jokatu ziren final laurdenak pasa den barikuan.
Jende dezente izan zen Arane frontoiko harmailetan bariku iluntzean. Antolakuntzatik nabarmendu dute «150 ikusle inguru» eta «gazte asko» bertaratu zirela. Partiduei dagokienez, eskuz banakakoa jokatu zuten neskek lehenengo, eskuz binakakoa promesek gero eta senior mailakoen binakakoarekin amaitu zen pilota jaialdia.
Emaitzak
Emakumeak (4 t'erdian)
🔴 Enara Gaminde 22
🔵 Mirian Arraiza 9
Promesak
🔴 O. Etxeberria - Apeztegia 22
🔵 Labaka - Calvo 5
Nagusiak
🔴 Zubizarreta - A.Apezetxea 22
🔵 J.Alberdi - J.Lazkoz 14
Soraluzeko Pelota Elkarteko buru Aitor Atxotegik «penaz» ikusi zuen lehenengo bi partiduak hain alde handiarekin amaitzea, baina irabazleek erakutsitako maila «orokorrean oso altua» izan zela gaineratu zuen eta benetan erakutsi zutela «zergatik diren multzo-buru».
Txapelketak zapatu honetan jarraituko du Tolosan, 16:00etan. Hurrengo hitzordua Eibarren izango da (abenduak 9, 16:00) eta finala Zumarragan (abenduak 16, 11:00).
