Ezoziko futbol zelaian jokatu zuen Sorako Gorengo mailako taldeak asteburuan, Segura Goierri K.E. zuela aurkari.
Partidua hasi eta minutu gutxira sartu zuen gola Mikel Oregi Letu kapitainak (⚽︎ 6'). Aurkariek erdigunetik atera eta berehala, Sorak baloiaren jabetza berreskuratu eta Aitor Estevezek bigarrena eman zion etxeko taldeari (⚽︎ 9').
Markagailuak berdin jarraitu zuen lehenengo zati osoan baina, justu atsedenaldiaren aurretik, epaileak txartel gorria atera zion Sorako Markel Perezi (🟥 44'), aurkari bati ostikada bat emateagatik «baloia jokatua izateko distantzian ez zegoen bitartean».
Hortik aurrera, partidua okertu zitzaion Sorari eta aukera dezente izan arren, hamar jokalari eskasekin zelaian, ez izan zituen ekidin Goierriren lehenengo gola (⚽︎ 58') eta azken minutuan sartutakoa (⚽︎ 89').
Hurrengo zapatuan Antzuolaren aurka jokatuko dute, 16:00etan, Eztala futbol zelaian.
Sorako talde guztien emaitzak eta sailkapena Plaentxia.eus-eko Soraluze Futbol Taldea blogean.