Orain arte, etxean jokatu dituen partida guztiak irabazi egin ditu Sorak. Hori horrela, garrantzitsua litzateke asteburu honetakoa ere irabaztea, aurkari izango duen Danena taldea Sorarekiko puntu bakarrera baitago sailkapen orokorrean, atzetik. Sorak hiru puntuak poltsikoratuz gero, ziurtatu egingo luke sailkapeneko aurrenengo postuetan segitzea.
Osterantzekoei dagokienez, Sorako jubenilek eta kadeteek zapatuan jokatuko dute, goizean gazteek Elgoibarren kontra eta eguerdian kadeteek, Bergararen kontra. Azkenik, infantilek, alebinek eta benjaminek domekan jokatuko dute. Benjaminek kanpoan eta beste guztiek Ezoziko futbol zelaian, goizean zein arratsaldean.
Hona hemen hitzordu guztiak ikusgai.
