Azaroak 4, zapatua, izango da XVII. Antxintxika lasterketa, eta Soraluze-Bergara arteko ibilbidea egingo dute modalitate desberdinetako lasterkariek.
Etxaburuetatik abiatuko dira eta irteera ordu desberdinak izango ditu talde bakoitzak: hand-bike eta gurpil-aukidunak 16:30etan hasiko dira, 16:45etan patinatzaileak eta 17:00etan gainontzeko korrikalariak. Hamar kilometroko lasterketa egingo dute eta bi anoa-puntu izango dituzte ibilbidean zehar: bata 6. kilometroan, helmugan bestea.
Segidan ibilbidearen mapa interaktiboa:
Izen-ematea zabalik
Inskripzioak kirolprobak.com atarian egin daitezke eta 16 euroko kostua dute. Webgunean bertan ere, lasterketa hasi aurretiko Bergara-Soraluze autobusa erreserbatzeko aukera dago, 2 eurotan.
Izena emateko epea azaroaren 3ra arte luzatuko da (lasterketaren bezpera) eta ez da egunean bertako inskribapenik izango. Plazak mugatuak dira: gehienez 500 lasterkarik hartu ahalko dute parte, eta kupoaren erdia bete da jada. Autobusari dagokionez, 30 jarleku geratzen dira libre.
Parte-hartzaile guztiek aurtengo edizioaren kamiseta izango dute opari.
XVII. Antxintxika lasterketan inskribatzeko epea bukatuko da azaroaren 3an (barikua, 22:59etan) edo plazen kupoa betetzean.
Antxintxika Triatloi Taldearekin harremanetan jartzeko idatzi antxintxika@gmail.com helbidera edo deitu 636 51 52 18 telefono zenbakira.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!