Zapatuan (urriak 7), Marraskilo Tourrak mendizalez beteko ditu berriz ere Soraluze inguruko bidexkak eta mendi gainak.
Aurrekoetan bezala, ibilbide osoa edo erdia egiteko aukera egongo da: Haundixa goizeko 6etan abiatuko da, Txikixa goizeko 8etan; biak Plaza Berritik.
| 'Txikixa' | 'Haundixa' | |
| Distantzia |
19km | 35km |
| Desnibela | 1000m | 1800m |
| Irteera ordua |
08:00 | 06:00 |
| Abiapuntua |
Plaza Berria | Plaza Berria |
Antolatzaileek mendizaleen eskura jarriko dituzte zerbitzu eta erraztasun guztiak: anoa-puntuak ibilbidean zehar (Azurtzan, Txantxaboletan, Karakateko antenan eta herrian bertan), Arane kiroldegiko dutxak, oparitxo bat eta bazkaria gainontzeko parte hartzaileekin batera Kalebarrenen, 15:00ak aldera, azken mendizalea plazara ailegatzearekin batera.
120/120 inskribapen
Online izen-ematea mugatuta zegoen eta berehala bete da aurten. 120 lagunetik 69 dira soraluzetarrak, neska kopurua 42ra igo da eta gutxienez 10 emakumek egingo dute ibilaldi luzea. Segidan datuen konparaketa:
| PARTE-HARTZEA | Motzean | Luzean | TOTALA |
| Soraluzetarrak |
54 | 15 | 69 |
| Emakumeak |
32 | 10 | 42 |
| Orokorra |
81 | 39 | 120 |
* Datuok online inskripzioenak dira, zapatuko izen-emateek kopuruak aldatuko dituzte.
Izena emateko aukera zapatuan
Aurreko edizioetan parte hartutako lagun ugari geratu omen dira izena eman barik, baina apuntatzeko aukera izango dute egunean bertan abiapuntura gerturatuta eta inskripzioaren 30 euroko kuota ordainduta.
Kopurua 150 lagunera heltzea espero dute antolatzaileek eta herritarrak animatu nahi dituzte azken orduko izen-emate horien parte izatera, "korrika ala oinez, Soraluzen dugun urteroko zita berezi honetaz disfrutatzera".