Bihar, zapatua, hitzordua dute herriko futbolzaleek Ezoziko Futbol Zelaian. 16:45ean, Sorako Gorengo mailako taldeak partidua jokatuko du Andoaingo SD Euskaldunaren kontra.
Talde biek puntu-kopuru berbera dute, partidu bat irabazi dute eta bestea galdu. Sorakoek Ezoziko markagailua hiru eta batean jartzea lortu zuten lehenengo partiduan, Urkiren aurka (bideoan Leturen bi golak ikusgai); baina pasa den asteburuan bi eta huts galdu zuten, Arrasaten. Hortaz, Sorak herrikideak animatu nahi ditu futbol zelaira igo eta harmailetatik euren babesa ematera, etxeko taldea sailkapenean gainjartzen laguntzeko.