Ohorezko Mailako lidergoa jokoan, gaur

Ubane Madera Zangitu 2023ko ira. 29a, 08:10
Deskargatu Info Ahotsak :
es en fr

Manex Balerdi eta Ander Murua Ohorezko Mailako partida jokatzen, irailaren hasieran.

Gaur, barikua, eskuz binakako Ohorezko Mailako partidua jokatuko da, 19:15ean Araneko frontoian. Soraluzeko pilota elkarteko Murua eta Balerdi Lazkaoko Senarren eta Garmendiaren kontra arituko dira. Bi bikoteek Ohorezko Mailan orain arte jokatutako bi partidak irabazi dituzte, beraz, gaur, lidergoa izango da jokoan Soraluzen.

Lidergoa jokoan izateaz aparte, maila altuko pilotarien arteko norgehiagoka izango da gaur iluntzekoa.

Munduko txapeldunak

Bisitari datorren Beñat Garmendia aurreko urtera arte Aspeko pilotari izan zen, eta, aurrelari den Senar, berriz, afizionatu mailan, eskuz banaka (23 urtez azpikoa) munduko txapeldun ateratakoa da, Soraluzeko Pilota Elkarteko Manex Balerdi eta Ander Murua moduan.

Kirola Soraluze