Gaurtik zapatura bitartean, Hannoverreko EMO 2023 azokan erakutsiko ditu Soralucek fresatzeko, mandrinatzeko, funtzio anitzeko eta automatizazioko makina-erremintak, 13. pabiloian. Aldi berean, bere ezagutzak partekatuko ditu, zuzeneko erakustaldiak egingo ditu eta azken garapen teknologikoak erakutsiko ditu fresaketa pabiloiaren erdian jarriko duten stand-ik handienera bisitetan. Gainera, bertaratzen direnek enpresako aditu teknikoekin hartu-emana eduki ahal izango dute.
Nazioarteko azoka hori baliatuko dute Performance Line-ko azken makinak ezagutarazteko eta, Soraluce SAD60 mahai finkoaren gainean dagoen zutabe mugikorreko fresatzeko makina berria erakutsiko dute in situ.
Danobat kooperatiba
Danobat kooperatibari dagokionez, punta-puntako makinak aurkeztuko ditu EMO azokan: VG-1000 izeneko makina, artezketa, torneaketa gogorra, fresatzea, mandrinatzea eta zulatzea konbinatzen konfigurazio bakarrean dituena; CG-1000 artezteko makina trinkoa; Estarta-250 artezteko makina, artezketa zentrorik bakoa; eta, besteak beste, MikroTurnGrind-100, Herbehereetako Hembrug subsidiarioak garatua, mekanizazio-lan konplexuetarako torneatzeko eta artezteko gaitasunak dituena.
EMO azokako 11. pabiloian kokatuko da Danobat eta bertan izango dira hainbat makina eta teknologiatan adituak, bisitariei behar duten aholkuak eta orientazioa eskaintzen.