Trizikloan paseatzen

Zapatuan, ibilaldi solidarioan parte hartu zuten Mesedeetako egoitzako bost egoiliarrek. Gipuzkoako Foru Aldundiak eta Bizikletaz Adinik Ez elkarteak duten hitzarmenaren bitartez, hiru triziklo eta beste horrenbeste boluntario izan ziren Soraluzen eta Osintxurainoko joan-etorria egin zuten egoitzako bizilagunak trizikloan majo eserita zihoazela. Ibilaldia Plaza Zaharrean bukatu zuten, elkarrekin zerbait hartuz.