Villabonako Intxaustik Plaentxia.eus-i adierazi dionez, Soraluze “Gipuzkoako herririk politena da zezenetan ibiltzeko. Errespetatzen gara inguruko herrietan baino gehiago, ibiltzen gara banan-banan, txandakatu egiten gara, errespetua dugu gure artean eta animaliarenganako ere bai, ahal dugun guztian, eta Andoni -Arno ganadutegia- ere ikaragarri portatzen da ze oso ganadu ona ekartzen du”.
Lagun duen Piter azpeitiarra bat dator Intxaustik esandakoarekin eta areago dio Soraluze "Euskal Herriko herririk onena" dela zezenekin jolasteko. Bestalde, eskatu du datorren urtean zezenen jarduna beste ordubetez luzatzea. Hain zuzen, arratsaldeko zezenean, zezenzale askok eskatu dute beste zezen bat ateratzeko.